Метадология SCRUM

Метадологія SCRUM ўяўляе сабой гнуткае кіраванне праектамі з дапамогай пэўных прынцыпаў і практык. Згодна з SCRUM каманда супрацоўнікаў, якія працуюць над праектам, павінна трымацца прынцыпу самаарганізацыі, паэтапна распрацоўваць і ўдасканальваць свой праект, а таксама аналізаваць паспяховы вопыт і памылкі для далейшага развіцця.

Пры выкарыстанні метадлогіі SCRUM практуецца камандны падыход для вырашэння пастаўленых задач, нестандартнае размеркаванне роляў і функцый удзельнікаў праектаў, а таксама ў працоўны працэс прыцягваюцца не толькі супрацоўнікі-выканаўцы, але і заказчыкі прадукту.

Працоўны працэс згодна з метадлогіяй SCRUM ўключае наступныя этапы:

1. Заказчык на аснове патрэбаў пакупнікоў і агульнага попыту на прадукт распрацоўвае тэхнічнае заданне для каманды.
2. Фарміраванне каманды з 6-10 спецыялістаў, рознага профілю. Агульная схема каманды ўключае заказчыка, Scrum-майстра (чалавека, які не ўдзельнічае ў распрацоўцы прадукту, але назірае за выкананнем прынцыпаў SCRUM і вырашае ўзнікаючыя праблемы) і распрацоўшчыкаў.
3. Распрацоўка і планаванне кароткіх цыклаў або спрынтаў, на працягу якіх каманда працуе над выкананнем пэўнай задачы праекту. Завершаным спрынт становіцца тады, калі каманда прадставіла заказчыку гатовы прадукт, уклаўшыся ў устаноўленыя часавыя рамкі.
4. Щодзённыя сустрэчы каманды для Scrum-мітынгу або стендапу. На кожнай сустрэчы камандзе задаюць пытанні аб праведзенай з папярэдняга стэндапу працы, задачах на сёння і праблемах, якія перашкаджаюць іх выкананню. На падставе вынікаў, атрыманых пасля мітынгу, Scrum-майстар аналізуе працоўны працэс і пры неабходнасці дапамагае вырашаць узніклыя праблемы.
5. Для забеспячэння нагляднасці працоўнага працэсу ў камандзе выкарыстоўваецца Scrum-дошка, якая ўяўляе сабой візуальную схему, у якой адлюстравана, якія задачы выкананы, якія знаходзяцца ў актыўнай працы, а якія намечаны на будучыню.
6. Разбор вынікаў выканання кожнага спрынта.
7. Пасля заканчэння работы над прадуктам праводзіцца падвядзенне вынікаў за справаздачны перыяд. Кожны распрацоўшчык дакладвае аб сваіх выніках, якія ацэньваюцца астатнімі членамі каманды. Затым заказчык прымае рашэнне аб рэалізацыі атрыманага прадукту.

Глядзіце таксама