RAD հայեցակարգը

RAD (Rapid application development, Ծրագրերի արագ մշակում) հայեցակարգը նպաստում է արտադրանքի արագ մշակմանը՝ դրա նկատմամբ պահանջների անորոշության, ինչպես նաև ժամանակի և բյուջեի սահմանափակման պայմաններում:

RAD հայեցակարգի իրականացումը կատարվում է կոնկրետ արտադրանքի համար հարմար տեխնիկական միջոցների կիրառման և պատվիրատուի հետ բոլոր պահանջների մշտական պարզաբանման և նրան ներգրավելով արտադրանքի պատրաստության միջանկյալ փուլերի գնահատման համար:

RAD հայեցակարգը հիմնված է հետևյալ սկզբունքների վրա.

• Բոլոր տեխնիկական միջոցները պետք է նպաստեն արտադրանքի մշակման ժամանակի նվազագույնի հասցնելուն:
• Լիակենտրոնություն պատվիրատուի պահանջների վրա, որոնք ներկայացվում են մշակվող արտադրանքի նկատմամբ:
• Արտադրանքի նախատիպերի օգտագործում պատվիրատուի հետ տեխնիկական առաջադրանքի պարզաբանման համար:
• Արտադրանքի մշակումը պետք է լինի ցիկլային, այսինքն՝ ամեն նոր տարբերակ ստեղծվում է պատվիրատուի կողմից նախորդ տարբերակի գնահատումից հետո:
• Արտադրանքի մշակման ժամանակի կրճատում նախկինում պատրաստ մոդուլների օգտագործման և ֆունկցիոնալության ավելացման միջոցով:
• Թիմի անդամների սերտ համագործակցություն, մինչդեռ ամեն մշակող պետք է պատրաստ լինի միաժամանակ կատարել մի քանի պարտականություններ:
• Նախագծի կառավարման գլխավոր խնդիրը պետք է լինի մշակման ցիկլի տևողության նվազեցումը:

Նախագծի վրա աշխատանքը RAD հայեցակարգի օգտագործմամբ ներառում է փուլերը.

1. Պլանավորում, որի ընթացքում թիմի բոլոր անդամները քննարկում են իրականացվող արտադրանքի տեխնիկական առաջադրանքը, առաջիկա խնդիրներն ու դժվարությունները, որոնք կարող են հետագայում առաջանալ: Պլանավորման ավարտից հետո նախագծի ղեկավարից պետք է գա աշխատանքը շարունակելու թույլտվություն:
2. Օգտագործողի նախագծում ներառում է օգտագործողների փոխգործակցությունը անալիտիկների հետ արտադրանքի նկատմամբ պահանջների հետագա պարզաբանման համար:
3. Կառուցում - փուլ, որի ընթացքում տեղի է ունենում նախագծի հիմնական մշակումը:
4. Փոխանցում ներառում է արտադրանքի փորձարկումը և դրա գնահատումը վերջնական օգտագործողների կողմից:

Տես նաև