RUP մեթոդաբանություն

RUP մեթոդաբանությունը (Rational Unified Process, Ռացիոնալ միասնական պրոցես) ինտերնետում տեղակայված գիտելիքների բազա է որոնման համակարգով: RUP մեթոդաբանությունը ստեղծվել է Rational Software ընկերության կողմից:

RUP մեթոդաբանությունը հիմնված է հետևյալ սկզբունքների վրա.

• Ռիսկերի վաղ հայտնաբերում և մշտական, մինչև մշակման ավարտը, վերացում:
• Լրիվ կենտրոնացում հաճախորդի պահանջների վրա, որոնք ներկայացվում են մշակվող արտադրանքի նկատմամբ:
• Նախագծի առաջադրանքներում և դրա իրականացման եղանակներում փոփոխություններ կատարելու մշտական պատրաստակամություն:
• Կոմպոնենտային ճարտարապետության կիրառում նախագծի վրա աշխատելիս:
• Նախագծի կատարման որակի հսկողություն դրա մշակման բոլոր փուլերում:
• Նախագծի վրա աշխատանքային պրոցեսն ընթանում է համախմբված թիմում, որտեղ գլխավոր դերը պատկանում է ճարտարապետներին:

RUP մեթոդաբանության կիրառմամբ նախագծի վրա աշխատանքն ներառում է փուլերը.

1. Սկզբնական փուլ (Inception), որի ընթացքում ձևավորվում է նախագծի հայեցակարգը, դրա տնտեսական հիմնավորումը, գնահատվում են ռիսկերը, ստեղծվում է դեպքերի մոդել:
2. Պարզաբանում (Elaboration): Այս փուլում վերլուծվում է ապագա արտադրանքը և փաստաթղթավորվում են դրա բոլոր մանրամասները, նախագծվում և փորձարկվում է նախագծի ճարտարապետությունը, պարզաբանվում են աշխատանքի ժամկետներն ու արժեքը, ինչպես նաև, հնարավորության դեպքում, նվազեցվում են հիմնական ռիսկերը:
3. Կառուցում (Construction), որի ընթացքում տեղի է ունենում արտադրանքի հիմնական մշակումը: Կառուցման ավարտին տեղի է ունենում համակարգի առաջին արտաքին թողարկումը և նշվում է սկզբնական ֆունկցիոնալ պատրաստվածության հաղթանակը:
4. Ներդրում (Transition): Այս փուլում արդեն ստեղծված արտադրանքը, փորձարկումից հետո, հանձնվում է հաճախորդին: Եթե հաճախորդը բավարարված չէ ստացված արդյունքներով, ապա արտադրանքը կրկին անցնում է ցիկլ, որը ներառում է վերը նշված բոլոր փուլերը:

Տես նաև