ბიბლიოთეკა Redux

ამ სახელმძღვანელოში გავეცნობით ძალიან სასარგებლო და ღირებულ JavaScript ბიბლიოთეკას Redux-ს. ბიბლიოთეკის სახელი მოდის ორი სიტყვისგან - ფუნქციის სახელისგან reduce და არქიტექტურისგან Flux აპლიკაციების React-ზე, რომლის საფუძველშიც დევს ერთმიმართულები მონაცემების ნაკადის გამოყენება.

პირველ რიგში, Redux არის პროგნოზირებადი კონტეინერი ან საცავი აპლიკაციის მონაცემების მდგომარეობებისთვის. ჩვენ უკვე შევხვდით მდგომარეობის ცნებას ან სტეიტს (state) React-ის სახელმძღვანელოს შესწავლისას. Redux-ის საშუალებით შესაძლებელია კლიენტური, სერვერული ან ნატიური აპლიკაციების დაწერა, რომლებიც იქცევიან პროგნოზირებადიად, ადვილად მასშტაბირებადი და ტესტირებადია.

რით არის კიდევ მიმზიდველი Redux? ის გვეხმარება აპლიკაციის გლობალური მდგომარეობის მართვაში. ინსტრუმენტები და ტექნიკა, რომლებიც გამოიყენება Redux-ში, საშუალებას აძლევს უფრო მარტივად გაიგო სად, რატომ და როგორ შეიცვალა სტეიტი, ასევე როგორ იქნება აპლიკაციის ლოგიკა ასეთი ცვლილებების შემთხვევაში.

Redux - ეს არის დამოუკიდებელი ბიბლიოთეკა, მაგრამ მისი გამოყენება შესაძლებელია კავშირში ისეთ პოპულარულ ფრეიმვორკებთან, როგორიცაა React, Angular, Vue, და ასევე სუფთა JavaScript. ცოტა წინ ავურიო, ვიტყვი, რომ ჩვენს სახელმძღვანელოში ჩვენ გამოვიყენებთ კავშირს React-თან.

ამ ინსტრუმენტის მნიშვნელობის მიუხედავად, აპლიკაციის შექმნისას უნდა გონივრულად შევაფასოთ მისი გამოყენების აუცილებლობა. თქვენ გჭირდებათ Redux, თუ თქვენ გაქვთ დიდი რაოდენობით სტეიტების, რომლებიც საჭიროა აპლიკაციის სხვადასხვა ნაწილში, ან სტეიტები იცვლება ძალიან ხშირად, ან თქვენ გაქვთ ძალიან რთული ლოგიკა სტეიტების განახლებისთვის.