Redux գրադարանը

Այս ուսումնական ձեռնարկում մենք կծանոթանանք շատ օգտակար և արժեքավոր JavaScript գրադարանի՝ Redux-ին: Գրադարանի անվանումը ծագում է երկու բառից՝ reduce ֆունկցիայի անվանումից և Flux հավելվածների ճարտարապետությունից React-ում, որի հիմքում ընկած է միակողմանի տվյալների հոսքի օգտագործումը։

Նախ և առաջ Redux-ը կանխատեսելի կոնտեյներ է կամ հավելվածի տվյալների վիճակների պահոց։ Մենք արդեն հանդիպել ենք վիճակի կամ ստեյթի (state) հասկացությանը React-ի ուսումնական ձեռնարկն ուսումնասիրելիս։ Redux-ի օգնությամբ կարելի է գրել կլիենտական, սերվերային կամ նատիվ հավելվածներ, որոնք իրենց դրսևորում են կանխատեսելիորեն, հեշտությամբ մասշտաբավորվում և փորձարկվում են։

Իսկ ինչո՞վ է Redux-ը դեռևս գրավիչ։ Այն օգնում է մեզ կառավարել հավելվածի գլոբալ վիճակը։ Redux-ում օգտագործվող գործիքներն ու տեխնիկաները հնարավորություն են տալիս ավելի հեշտ հասկանալ, թե որտեղ, ինչու և ինչպես է փոխվել ստեյթը, ինչպես նաև ինչպես կվարվի հավելվածի լոգիկան նման փոփոխությունների դեպքում։

Redux-ը ինքնուրույն գրադարան է, բայց այն կարող է օգտագործվել համակցված այնպիսի հանրաճանաչ ֆրեյմվորքների հետ, ինչպիսիք են React-ը, Angular-ը, Vue-ն, ինչպես նաև մաքուր JavaScript-ը։ Մի քիչ առաջ վազելով՝ կասեմ, որ մեր ուսումնական ձեռնարկում մենք կօգտագործենք React-ի հետ համակցում։

Չնայած այս գործիքի կարևորությանը, հավելված ստեղծելիս պետք է խելամտորեն գնահատել դրա կիրառման անհրաժեշտությունը։ Ձեզ անհրաժեշտ է Redux, եթե դուք ունեք մեծ քանակությամբ ստեյթեր, որոնք անհրաժեշտ են հավելվածի տարբեր մասերում, կամ ստեյթերը փոխվում են շատ հաճախ, կամ գուցե դուք ունեք չափազանց բարդ լոգիկա ստեյթերը թարմացնելու համար։