Redux Kitabxanasi

Bu dərslikdə biz çox faydalı və dəyərli bir JavaScript kitabxanası olan Redux ilə tanış olacağıq. Kitabxananın adı reduce funksiyasının adından və React proqramlarının Flux arxitekturasından gəlir, onun əsasında biristiqamətli məlumat axını dayanır.

Hər şeydən əvvəl, Redux proqramın məlumat vəziyyətləri üçün proqnozlaşdırıla bilən bir konteyner və ya anbardır. Biz artıq React dərsliyini öyrənərkən vəziyyət və ya stejt (state) anlayışı ilə qarşılaşmışıq. Redux ilə proqnozlaşdırıla bilən, asanlıqla miqyaslana bilən və test oluna bilən klient, server və ya nativ proqramlar yazmaq olar.

Redux-u daha cəlbedən nədir? O, bizə proqramın qlobal vəziyyətini idarə etməyə kömək edir. Redux-da istifadə olunan alətlər və texnikalar, stejtin harada, niyə və necə dəyişdiyini, habelə belə dəyişikliklər olduqda proqram məntiqinin necə davranacağını başa düşməyi asanlaşdırır.

Redux müstəqil bir kitabxanadır, lakin onu React, Angular, Vue kimi məşhur freymvorklarla, həmçinin saf JavaScript ilə birlikdə istifadə etmək olar. Bir az irəli qaçaraq, deyim ki, bizim dərsliyimizdə biz React ilə birləşmədən istifadə edəcəyik.

Bu alətin əhəmiyyətinə baxmayaraq, proqram yaradarkən onun tətbiqinin zəruriliyini ağılla qiymətləndirmək lazımdır. Sizə Redux lazımdır, əgər proqramın müxtəlif hissələrində lazım olan çox sayda stejtiniz varsa, ya da stejtlər çox tez-tez dəyişir, ya da stejtləri yeniləmək üçün çox mürəkkəb məntiqiniz var.