Китобхонаи Redux

Дар ин дастури таълимӣ мо бо китобхонаи хеле муфид ва арзандаи JavaScript - Redux шинос мешавем. Номи китобхона аз ду калима - номи функсияи reduce ва меъмории Flux барномаҳо дар React гирифта шудааст, ки дар асоси он истифода аз ҷараёни якҷонибаи додаҳо қарор дорад.

Пеш аз ҳама Redux - як контейнер пешгӯишаванда ё анбори ҳолатҳои додаҳои барнома мебошад. Мо аллакай бо мафҳуми ҳолат ё стейт (state) ҳангоми омӯзиши дастури таълимӣ дар бораи React рӯ ба рӯ шудем. Бо ёрии Redux метавон барномаҳои клиентӣ, серверӣ ё дохилисистемавӣ (native) навишт, ки ба таври пешгӯишаванда рафтор мекунанд, ба осонӣ андозаи кор фарогир мешаванд (масштабиранда мебошанд) ва озмоишавандаанд.

Redux дигар чӣ ҷолиб аст? Он ба мо кӯмак мекунад, ки ба ҳолати умумии (global) барнома идора кунем. Абзорҳо ва усулҳое, ки дар Redux истифода мешаванд, барои фаҳмидани он ки дар куҷо, чаро ва ба чӣ тавр стейт тағйир ёфтааст, инчунин он ки мантиқи барнома дар сурати чунин тағйирот чӣ гуна рафтор мекунад, осонтар мекунад.

Redux - китобхонаи мустақил аст, аммо онро метавон бо чун фреймворкҳои машҳуре, ба монанди React, Angular, Vue, ва инчунин JavaScript-и холис якҷоя истифода бурд. Каме пеш гузашта, мегӯям, ки дар дастури таълимӣи мо мо пайвастагии бо React -ро истифода хоҳем бурд.

Ҳарчанд ин абзор муҳим аст, ҳангоми эҷоди барнома бояд зарурати истифодаи онро ба таври оқилона арзёбӣ кард. Ба шумо Redux лозим аст, агар шумо шумораи зиёди стейтҳо дошта бошед, ки дар қисмҳои гуногуни барнома заруранд, ё стейтҳо хеле зуд тағйир меёбанд, ё эҳтимол мантиқи хеле мушкили барои навсозии стейтҳо доред.