Redux აპლიკაციის მუშაობა

ახლა, ტერმინოლოგიით შეიარაღებულნი, ჩვენ შეგვიძლია მოკლედ განვიხილოთ Redux-ზე აგებული აპლიკაციის მუშაობის ძირითადი ეტაპები, რომელსაც შემდგომ შექმნით.

აპლიკაციის მუშაობა მიმდინარეობს მონაცემთა ცალმხრივი ნაკადის იდეის შესაბამისად, როგორც ადრე აღვნიშნეთ.

ინიციალიზაციის ეტაპზე (აპლიკაციის პირველ გაშვებაზე) ძირეული რედიუსერის დახმარებით იქმნება საცავი store. საცავი იძახებს ამ რედიუსერს მხოლოდ ერთხელ და იწერს მის მიერ დაბრუნებულ მნიშვნელობას, როგორც საწყის მდგომარეობას. პირველადი რენდერინგის დროს აპლიკაციის კომპონენტები იყენებენ საცავში ჩაწერილ მიმდინარე სტეიტს. ასევე ისინი იწერებიან საცავის განახლებებზე, რათა დაუყოვნებლივ შეიტყონ სტეიტის ცვლილების შესახებ.

აპლიკაციის შემდგომ მუშაობაში ხდება შემდეგი. დავუშვათ, მომხმარებელმა დააწკაპუნა მაუსის ღილაკზე. ამ შემთხვევაში კოდის დახმარებით ფორმირდება ექშენი, რომელიც იგზავნება საცავში. საცავი ისევ აქტიურებს რედიუსერს მასში შენახული მდგომარეობით და მიღებული ექშენით. შედეგად შეცვლილი სტეიტის მნიშვნელობა ინახება როგორც ახალი. ასევე საცავი აცნობებს ცვლილებებზე დარეგისტრირებულ კომპონენტებს, რომ ცვლილებები მოხდა. თავის მხრივ კომპონენტები აკონტროლებენ, შეიცვალა თუ არა მათთვის საჭირო მდგომარეობის ნაწილები. და ბოლოს, თუ ცვლილებები მოხდა, კომპონენტი ააქტიურებს რენდერინგს ახალი მონაცემების საჩვენებლად.