Redux-ის სამი ძირითადი კონცეფცია

შესავალური თეორიული ნაწილის დასასრულს, ჩვენ გავეცნობით Redux-ის სამ ძირითად კონცეფციას, რომელთა დაცვაც აუცილებელია აპლიკაციების შექმნისას.

მათგან პირველი გულისხმობს ერთადერთი სიმართლის წყაროს არსებობას. თქვენი აპლიკაციის გლობალური მდგომარეობა ინახება ობიექტების ხის სახით ერთადერთ საცავში.

მეორე კონცეფცია - მდგომარეობის მხოლოდ წაკითხვაა შესაძლებელი. მისი შეცვლის ერთადერთი გზა უნდა იყოს ექშენის შექმნა - ობიექტის, რომელიც აღწერს იმას, თუ რა მოხდა.

მესამე კონცეფცია გვეუბნება, რომ ცვლილებებში მხოლოდ სუფთა ფუნქციებს შეუძლიათ მონაწილეობა. ანუ იმისათვის, რომ მიუთითოთ, თუ როგორ უნდა შეიცვალოს თქვენი მდგომარეობის ხე, თქვენ უნდა დაწეროთ სუფთა რედიუსერი.