ძირითადი და ჯვარედინი ღერძები ფლექს ბლოკებში CSS-ში

ფლექსბოქსებზე შეიძლება ვისაუბროთ ორი ტერმინით: პირველი არის - მწკრივი ან სვეტი, მეორე - ღერძების ტერმინებით. მწკრივებსა და სვეტებს ჩვენ უკვე გავეცანით, ახლა კი გავეცნოთ ღერძებს. ღერძების გაგება საჭიროა იმისთვის, რომ ელემენტები გავსწოროთ ჰორიზონტალურად ან ვერტიკალურად.

ფლექს ელემენტებთან მუშაობისას ყოველთვის არსებობს ძირითადი ღერძი და ჯვარედინი. ჩვენ შეგვიძლია ელემენტები გავსწოროთ ძირითადი ღერძის მიმართ და ძირითადი ღერძის გასწვრივ. ძირითად ღერძს შეიძლება ჰქონდეს 4 მიმართულება: მარცხნიდან მარჯვნივ, მარჯვნიდან მარცხნივ, ზემოდან ქვემოთ და ქვემოდან ზემოთ.

ჯვარედინი ღერძის მიმართულება დამოკიდებულია ძირითადის მიმართულებაზე: თუ ძირითადი ღერძი ჰორიზონტალურია, მაშინ ჯვარედინი მიმართულია ზემოდან ქვემოთ, თუ ძირითადი ღერძი ვერტიკალურია, მაშინ ჯვარედინი მიმართულია მარცხნიდან მარჯვნივ. სხვა მიმართულებები ჯვარედინ ღერძს არ შეიძლება ჰქონდეს.

ძირითადი ღერძის მიმართულება რეგულირდება თვისებით flex-direction. თუ ამ თვისების მნიშვნელობაა row - ძირითადი ღერძი მიმართულია მარცხნიდან მარჯვნივ, ხოლო თუ მნიშვნელობაა row-reverse, მაშინ მარჯვნიდან მარცხნივ. მნიშვნელობა column მიმართავს ღერძს ზემოდან ქვემოთ, ხოლო მნიშვნელობა column-reverse - ქვემოდან ზემოთ.