Redux tətbiqi və server arasında məlumat mübadiləsi

Bu bölmə Redux-da əldə etdiklərində dayanmayaraq bu dərsliyin sonuna çatmaq qərarına gələn təcrübəli şagirdlər üçün olacaq. Növbəti iki bölmədə biz Redux tətbiqinin asinxron məntiqlə işini nəzərdən keçirəcəyik, tətbiqimizi server tərəfi ilə əlaqələndirəcəyik və onun serverlə məlumat mübadiləsi etməyini öyrədəcəyik.

Əvvəlki bölmələrdən biz bilirik ki, Redux tətbiqinin işinin əsasında sinxron mexanizm durur. Əsas iş mərhələləri tətbiqdə hansısa hadisə baş verəndə aksiyaların göndərilməsindən, sonra store-də state-in reducer funksiyası tərəfindən yenilənməsindən, tətbiqin komponentlərinin state-in dəyişməsindən xəbərdar edilməsindən və müvafiq olaraq yeni state dəyərinin komponentlərdə göstərilməsindən ibarətdir.

Real həyatda tez-tez olur ki, tətbiqin asinxron məntiqə də ehtiyacı olur, məsələn, HTTP API sorğuları ilə işləyərkən və hansısa xarici serverdən məlumat alarkən. Buna görə də, bizim 'sinxron' Redux store-umuzun belə asinxron məntiqlə işləyə bilməsi üçün, sözdə middleware istifadə olunur - bu, tətbiqimizin store-u ilə, məsələn, bu dərslik fəslinində işləməyə başlayacağımız server arasında vasitəçi və ya əlaqə olan proqram təminatıdır.

Redux üçün çoxlu belə middleware yaradılıb, lakin onların arasında ən geniş yayılmış və Redux tətbiqlərinin asinxron məntiqlə işində rəsmi tövsiyə olunan hələ də Redux Thunk qalır. Bu proqram təminatı bizə store-umuzla qarşılıqlı əlaqə üçün setTimeout, Promises, async/await kimi asinxron məntiqi özündə ehtiva edə bilən adi funksiyaları (və ya thunk-ları) istifadə etməyə kömək edir. Terminin özünə gəldikdə, thunk - bu, hansısa gecikdirilmiş işi görən koddur.

İndi, biz Redux-da asinxron məntiqlə işləməyi bir az tanış olduğumuz üçün, bu mərhələni tətbiqimizdə həyata keçirməyə başlaya bilərik. Biz elə etməliyik ki, tətbiqimiz hansısa xarici serverlə qarşılıqlı əlaqədə ola bilsin, ondan məlumat ala bilsin və ona məlumat ötürə bilsin. Başqa sözlə, qarşımızda maraqlı və çox vacib mövzu bizi gözləyir. Başlayaq.