Redux тиркемеси менен сервер ортосунда маалымат алмашуу

Бул бөлүм Redux менен жетишкен ийгиликтеринен токтобогон жана бул окуу куралынын аягына чейин жетүүнү чечкен тажрыйбалуу окуучулар үчүн болот. Кийинки эки бөлүмдө биз Redux тиркемесинин асинхрондук логика менен иштөөсүн карап чыгып, биздин тиркемебизди сервер тарабы менен байланыштырып, ага менен маалымат алмашудү үйрөнөбүз.

Мурунку бөлүмдөрдөн биз билебиз, Redux тиркемесинин иштоо негизинде синхрондук механизм жатат. Иштөонүн негизги этаптары: тиркемеде бир очеро пайда болгондо экшендерди жөнөтүү, андан кийин store'до стейтти функция-редьюсер менен жаңыртуу, тиркеменин компоненттерине стейт өзгөргөндүгү жөнүндө кабарлоо жана тиешелүү түрдө жаңы стейт маанисин компоненттерде көрсөтүүдөн турат.

Чыныгы турмушта көп учурда тиркемеге асинхрондук логика да керек болот, мисалы, HTTP API сурамдары менен иштөөдө же сырткы серверден маалымат алууда. Ошондуктан, биздин 'синхрондук' Redux store'биз ушундай асинхрондук логика менен иштеши үчүн, middleware деп аталуучу программалык камсыздоо колдонулат - бул биздин тиркеме store'убуз менен, мисалы, биз бул окуу куралынын бөлүмүндө иштей баштай турган сервер ортосундагы демилге же байланыш болуп саналат.

Redux үчүн мындай middleware'лердин көп түрлөрү түзүлгөн, бирок алардын ичинен эң кеңири таралганы жана расмий түрдө Redux тиркемелеринин асинхрондук логика менен иштешинде сунушталып келе жатканы - Redux Thunk болуп кала берүүдө. Бул ПО бизге кадимки функцияларды (же thunks'тарды) колдонууга жардам берет, алар өзүнө setTimeout, Promises, async/await сыяктуу асинхрондук логикаларды камтышы мүмкүн, биздин store'буз менен өз ара арекеттөө үчүн. Терминдин өзү жөнүндө айтканда, thunk - бул кечиктирилген ишти аткаруучу код.

Эми, биз Redux'та асинхрондук логика менен кантип иштөө керектиги жөнүндө бир аз таанышкандыктан, бул этапты биздин тиркемеде ишке ашырууга киришсек болот. Биз тиркемебиздин бир сырткы сервер менен өз ара аракеттене алышы керек, андан маалымат алып, ага маалымат берүүсү керек. Башкача айтканда, бизди сүйүктүү жана абдан маанилүү тема күтүүдө. Баштайлы.