PHP-də return instruksiyası

Tutaq ki, bizim ötürülən ədədin kvadratını ekrana çıxaran funksiyamız var:

<?php
	function func($num) {
		echo $num * $num;
	}
	
	func(3); // 9 çap edəcək
?>

Tutaq ki, biz dəyəri ekrana çıxartmaq deyil, hanşısa dəyişənə yazmaq istəyirik, belə:

<?php
	$res = func(3); // $res dəyişənində indi 9
?>

Bunun üçün PHP-də xüsusi return instruksiyası var, bu, funksiyanın qaytardığı dəyəri göstərməyə imkan verir. Qaytarır sözü altında o dəyər başa düşülür ki, əgər çağırılmış funksiyanı dəyişənə təyin etsələr, həmin dəyişənə yazılacaq.

Beləliklə, gəlin funksiyamızı elə yenidən yazaq ki, o, nəticəni ekrana çıxartmasın, əksinə onu dəyişənə qaytarsın:

<?php
	function func($num) {
		return $num * $num;
	}
?>

Gəlin indi funksiyanın işinin nəticəsini dəyişənə yazaq:

<?php
	$res = func(3);
?>

Məlumatlar dəyişənə yazıldıqdan sonra, onları, məsələn, ekrana çıxarmaq olar:

<?php
	$res = func(3);
	echo $res; // 9 çap edəcək
?>

Ya da əvvəlcə bu məlumatları hansısa şəkildə dəyişmək, sonra isə onları ekrana çıxartmaq olar:

<?php
	$res = func(3);
	$res = $res + 1;
	echo $res; // 10 çap edəcək
?>

Dəyişənə yazmadan əvvəl funksiyanın işinin nəticəsi ilə dərhal hansısa əməliyyatlar yerinə yetirmək olar:

<?php
	$res = func(3) + 1;
	echo $res; // 10 çap edəcək
?>

Funksiyamızı müxtəlif ədədlər üçün bir neçə dəfə çağırmaq olar:

<?php
	$res = func(2) + func(3);
	echo $res; // 13 çap edəcək
?>

Nəticəni dəyişənə yazmamaq, onu dərhal ekrana çıxartmaq olar:

<?php
	echo func(3); // 9 çap edəcək
?>

Parametr kimi ədəd qəbul edən, bu ədədin kübünü qaytaran funksiya düzəldin. Bu funksiya vasitəsilə 3 ədədinin kübünü tapın və onu $res dəyişəninə yazın.

Yaratdığınız funksiya vasitəsilə 2 ədədinin və 3 ədədinin küblərinin cəmini tapın və onu $res dəyişəninə yazın.