Selektorlar və Redux-də useSelector həki
Əvvəlki dərslərdə biz məhsul məlumatlarını store-a yazdıq. Bəs onları storedan necə əldə edəcəyik?
Bunu etmək üçün bizə funksiya-selektor yazmaq lazımdır. Bu funksiya storeda saxlanılan state dəyərindən müəyyən bir məlumat parçasını necə çıxaracağını bilir və tətbiq böyüdükcə təkrar kodun yazılmasının qarşısını almağa kömək edir. Bu funksiya girişdə state qəbul edir, çıxışda isə lazımi state hissəsini verir. Məsələn:
const selectValue = state => state.some.value
Dərsliyin əvvəlində qeyd edilmişdi ki, store-un
getState metodu var. Və biz state dəyərini
əldə etmək üçün asanlıqla ondan istifadə edə bilərdik:
const value = selectValue(store.getState())
Problem ondadır ki, bizim React komponentlərimiz
birbaşa olaraq store-a müraciət edə bilməz,
çünki onu komponent faylına import etmək qadağandır.
Amma biz komponentdə məlumatları React-Redux-un
useSelector həki vasitəsilə əldə etmək imkanına
malikik. Üstəlik, bu həklə komponentlərimiz həmişə
yalnız aktual məlumatları alacaq:
const count = useSelector(selectValue)
