Redux-daky saýlawçylar we useSelector hook

Öňki sapaklarda biz store-a önümler baradaky maglumatlary ýazdyk. Şondan soň olary store-dan nädip alyp bileris?

Muny etmek üçin, biz bir saýlawçy funksiýa ýazmaly. Bu funksiýa store-da saklanýan ýagdaý bahasyndan belli bir maglumat bölegini nädip çykarmalygy bilýär we programma ulalanda gaýtalanýan kody ýazmagyň öňüni alýar. Bu funksiýa girişde ýagdaýy (state) alýar, çykyşda bolsa gerekli ýagdaý bölegini (slice) berýär. Mysal üçin:

const selectValue = state => state.some.value

Okuw kitabynyň başynda, store-uň getState atly metody bardygy ýatladylýardy. Biz ony ýagdaý bahasyny almak üçin aňsatlyk bilen ulanyp bilerdik:

const value = selectValue(store.getState())

Kynçylyk şonda ýatýar, biziniň React komponentlerimiz store-a gönüden-göni ýüz tutup bilmeýärler, sebäbi ony komponent faýlyna import etmek gadagan. Ýöne bizde React-Redux hook-y useSelector ýardamy bilen komponentde maglumat almak mümkinçiligi bar. Onuň üstüne, bu hook bilen biziniň komponentlerimiz hemişe diňe aktual maglumatlary alar:

const count = useSelector(selectValue)