React-da Reflər

Əgər biz hansısa məlumatı yadda saxlamaq istəyiriksə, amma onun dəyişməsinin komponentin render olunmasına səbəb olmasını istəmiriksə, onda bizə reflər və müvafiq olaraq onlarla işləyən useRef hooku kömək edəcək.

Ref (və ya istinad) - tək current xüsusiyyəti olan, oxuya və ya dəyişə biləcəyiniz adi bir JavaScript obyektidir.

State-lər kimi, reflər də istənilən tip məlumatı saxlaya bilər - bu, rəqəmlər, sətirlər, obyektlər və hətta funksiyalar ola bilər.

Əgər məlumatlarınız render etmək üçün istifadə olunursa, onda onları state-də saxlayın, əgər render olunmağa ehtiyacınız yoxdursa, belə bir halda reflərdən istifadə daha səmərəli ola bilər. Bundan əlavə, state-dən fərqli olarq refin dəyəri dərhal dəyişir.

Ümumiyyətlə, reflər React-dan kənara çıxıb xarici API-lər - çox vaxt komponentin görünüşünə təsir etməyən brauzer API-ları ilə qarşılıqlı əlaqədə olmaq lazım olduqda tətbiq olunur. Bu, məsələn, id taymerini saxlamaq ya da JSX hesablamaq lazım olmayan obyekti saxlamaq ola bilər, amma ən çox bu, DOM elementləri ilə qarşılıqlı əlaqədir. Onları fokusu idarə etmək, mətni seçmək və ya media oxumaq üçün istifadə etmək olar.

Növbəti dərsdə biz reflər və useRef hooku ilə işi praktiki olaraq nəzərdən keçirəcəyik.