Analizimi i Kodit të Programit

Le të analizojmë kodin e programit tonë të shkruar më sipër. Koncepti i parë që duhet të mësoni janë funksionet. Funksionet lejojnë kryerjen e disa veprimeve. Në shembullin tonë ekziston funksioni alert(), i cili shfaq tekstin në ekran në formën e një dritare dialog.

Një funksion përbëhet nga një emër (në rastin tonë ky është alert) dhe kllapave të rrumbullakëta, të shkruara pas këtij emri. Brenda këtyre kllapave të rrumbullakëta shkruhen parametrat e funksionit. Në rastin tonë, parametri është teksti që shfaqet në ekran.

Në rastin tonë funksioni ka një parametër, megjithatë ka funksione, në të cilat duhet të kalohen disa parametra. Në këtë rast, këta parametra shkruhen të ndarë me presje.