Բովանդակության բաշխման ցանց CDN

Բովանդակության բաշխման CDN ցանցը (Content Delivery Network) փոխկապակցված սերվերների ցանց է, որը արագացնում է բարձր բեռնվածությամբ վեբ-հավելվածների էջերի բեռնումը:

Օրինակ, երբ օգտատերը բացում է կայքը, ապա դրանում տեղադրված բոլոր պատկերները նախ պետք է բեռնվեն սերվերից: Եթե օգտատերը աշխարհագրորեն հեռու է կայքի սերվերից, ապա պատկերների ներբեռնման ժամանակը կարող է զգալիորեն ավելանալ: Հենց դրանից խուսափելու համար են օգտագործվում CDN սերվերները, որոնք աշխարհագրորեն ավելի մոտ են գտնվում օգտատերերին:

CDN-ի հիմնական խնդիրն է բացել ներկայության կետեր (POP) կամ CDN-ի ծայրամասային սերվերների խմբեր տարբեր աշխարհագրական տեղակայություններում:

CDN-ի աշխատանքի սկզբունքները.

1. Քեշավորում - տվյալների պատճենների պահպանման գործընթացը, որպեսզի անհրաժեշտության դեպքում արագ մատչել դրանց: CDN-ում քեշավորումը ներառում է վեբ-կայքերի ստատիկ բովանդակության պահպանում մի քանի ցանցային սերվերների վրա:
2. Դինամիկ արագացում - սերվերների արձագանքման ժամանակի կրճատումը օգտատիրոջ կողմից դինամիկ վեբ-բովանդակության հետ փոխազդեցության ժամանակ: Դինամիկ արագացման համար օգտագործում են CDN-ի միջանկյալ սերվերներ վեբ-կայքերի և օգտատերերի միջև:
3. Ծայրամասային տրամաբանական հաշվարկները կատարվում են CDN-ի ծայրամասային սերվերի վրա և նախատեսված են տվյալների փոխանցման արագացման համար կլիենտի և սերվերի միջև: Հետևաբար, հաշվարկների բաշխումը վեբ-սերվերների և ցանցի ծայրամասի միջև նպաստում է բեռնման արագության և, ընդհանուր առմամբ, վեբ-կայքերի արտադրողականության բարձրացմանը:

CDN-ի կիրառման ոլորտները.

• Բովանդակության բարձրարագ առաքում կամ ներբեռնում:
• Իրական ժամանակում հոսքային փոխանցում, օրինակ՝ սթրիմների կամ լուրերի ուղիղ եթերի համար:
• Օգտատերերի մասշտաբայնացում, այսինքն՝ միաժամանակ մեծ քանակությամբ այցելուների աջակցություն վեբ-կայքում:

Տես նաև