Уключаем HTTPS для сайта

У цяперашні час у сайта абавязкова павінен быць SSL-сертыфікат, каб сайт працаваў праз пратакол HTTPS.

Наогул SSL-сертыфікаты платныя і хтосьці добра нажываецца на гэтым, бо можна выкарыстоўваць бясплатныя сертыфікаты, якія працуюць таксама добра, як і платныя.

Бясплатныя сертыфікаты называюцца Let's Encrypt. Каб ваш сайт запрацаваў праз HTTPS, вам дастаткова ў панэлі кіравання хастынгу зайсці ў кіраванне сертыфікатамі і націснуць там кнопку, на якой будзе тэкст тыпу "уключыць Let's Encrypt"

Калі ваш хастынг не падтрымлівае бясплатныя сертыфікаты Let's Encrypt і прапануе вам платныя - гэта дрэнны хастынг. Пераязджайце з яго на нармальны.

Сертыфікат Let's Encrypt для канкрэтнага сайта выдаецца на 3 месяцы. Затым яго трэба падаўжаць. Але хастынг робіць гэта аўтаматычна, нам не трэба пра гэта перажываць.