Մի քանի պարամետրերի փոխանցումը ֆունկցիային Python-ում
Ենթադրենք ունենք ֆունկցիա, որը ընդունում է մի քանի թվային պարամետրեր:
def func(num1, num2):
return num1 + num2
print(func1(2, 3))
Ֆունկցիան կանչելիս տրված 2
և 3 թվերը կհայտնվեն համապատասխանաբար
num1 և num2 փոփոխականներում:
Սակայն լինում են դեպքեր, երբ ֆունկցիան կանչելիս
անհրաժեշտ է փոխանցել բազմաթիվ պարամետրեր, որոնց
քանակը նախապես հայտնի չէ: Python-ում հնարավոր է
ֆունկցիան հայտարարելիս սահմանել միայն մեկ
փոփոխական, որից հետո կստացվի բոլոր փոխանցված
պարամետրերի tuple: Դրա համար այդ փոփոխականից
առաջ պետք է նշել * նշանը: Նման փոփոխականը
սովորաբար կոչվում է args, բայց կարելի է
տալ նաև ցանկացած այլ անուն: Իսկ բոլոր պարամետրերը
արտածելու համար պետք է ֆունկցիայի մարմնում գրել
այդ փոփոխականը՝ առանց *-ի:
def func(*args):
return args
print(func(1, 2, 3)) # կարտածի (1, 2, 3)
Ստացված պարամետրերով հետագայում կարելի է կատարել ցանկացած այլ գործողություն: Եկեք ստանանք դրանց գումարը:
def func(*args):
return sum(args)
print(func(1, 2, 3)) # կարտածի 6
Գրեք ֆունկցիա, որը որպես պարամետրեր կընդունի անսահմանափակ քանակությամբ օգտատերերի անուններ և կարտածի դրանք կոնսոլում tuple-ի տեսքով:
