JavaScript-da setInterval funksiyasi bilan ishlash asoslari

Ushbu darsda biz JavaScript-da taymerlar bilan ishlashni o'rganamiz. Taymerlar bilan tanishib olganingizdan so'ng, siz sahifada ma'lum vaqt oralig'ida har qanday amallarni avtomatik ravishda bajarishingiz mumkin bo'ladi. Masalan, rasmlar slayderi qilish mumkin, unda rasmllar har soniyada o'zgaradi.

JavaScript-da taymerlar bilan ishlash uchun setInterval funksiyasi ishlatiladi, u berilgan kodni ma'lum vaqt oralig'ida ishga tushiradi.

Ushbu funksiya quyidagicha ishlaydi: birinchi parametr sifatida u funksiya kodini qabul qiladi, ikkinchi parametr sifatida esa - bu funksiya qayta-qayta chaqiriladigan vaqt oralig'ini. Ikkinchi parametr millisekundlarda beriladi (1000 millisekund = 1 soniya).

Keling, funksiyaning ishlashini biron bir misolda ko'rib chiqaylik. Masalan, har soniyada konsolga biron narsa chiqaradigan kod yozamiz.

Boshlanish uchun, konsolga biron narsa chiqaradigan funksiya yaratamiz:

function timer() {
	console.log('!');
}

Endi setInterval yordamida yaratgan funksiyamizni har soniyada bajarilishini ta'minlaymiz:

setInterval(timer, 1000);

function timer() {
	console.log('!');
}

Alohida funksiya yaratish shart emas - setInterval ning birinchi parametriga anonim funksiyani bevosita uzatish mumkin, mana bunday:

setInterval(function() {
	console.log('!');
}, 1000);

Har 3 soniyada konsolga biron narsa chiqaradigan taymerni ishga tushiring.