Reactda Effektlar

useEffect hookini qo‘llashni ko‘rib chiqishdan oldin, Reactda effektlar nima ekanligini tushunishimiz kerak.

Effektlar yoki yon effektlar (side effects) - bu komponentga tashqi tizimlar bilan ulanish va sinxronlash imkonini beruvchi qo‘shimcha amallardir.

Tashqi tizimlar deganida React nazorati ostida bo‘lmagan kod yoki dastur qismlari tushuniladi. Bunga tarmoq bilan ishlash, brauzer DOMi, animatsiya, third-party UI kutubxonalari yordamida yozilgan vidjetlar va Reactda yaratilmagan boshqa dasturlar kiradi.

Effektlar renderlashdan keyin kodni ishga tushirish imkonini beradi, shu bilan sizning komponentingizni Reactdan tashqaridagi tizimlar bilan sinxronlashtirish imkoniyatini yaratadi.

Effektlar komponentning birinchi marta chizilish paytida, kuzatilayotgan qiymat o‘zgarganda yoki komponentning hayotiy sikli tugaganda bajarilishi mumkin.

Shuni esda tutish kerakki, effektlar - bu Reactdan chiqishning bir turidagi "favqulodda" lyuk, ularni ortiqcha ishlatish kerak emas.