Redux ilovasi va server o‘rtasida ma'lumot almashinuvi

Ushbu bo‘lim Reduxda erishgan natijalarida to‘xtamagan va ushbu o‘quv qo‘llanmasini oxirigacha tamomlashga qaror qilgan tajribali o‘quvchilar uchun mo‘ljallangan. Keyingi ikkita bo‘limda biz Redux ilovasining asinxron mantiq bilan ishlashini ko‘rib chiqamiz, ilovamizni server tomoni bilan bog‘laymiz va u bilan ma'lumot almashishni o‘rgatamiz.

Oldingi bo‘limlardan biz bilamizki, Redux ilovasining ishlash asosi sinxron mexanizmga asoslangan. Ishning asosiy bosqichlari: ilovada qandaydir hodis yuz berganda ekshenlar yuborish, keyin store dagi holatni reducer funksiyasi orqali yangilash, ilova komponentlariga holat o‘zgargani haqida xabar berish va mos ravishda komponentlarda yangi holat qiymatini ko‘rsatish.

Haqiqiy hayotda ko‘pincha ilova asinxron mantiqqa muhtoj bo‘ladi, masalan, HTTP API so‘rovlari bilan ishlashda va ma'lum bir tashqi serverdan ma'lumot olishda. Shuning uchun bizning 'sinxron' Redux store miz bunday asinxron mantiq bilan ishlashi uchun middleware deb ataladigan dasturiy ta'minot ishlatiladi - bu ilovamizning store i va, masalan, ushbu o‘quv qo‘llanmasi bobida ishl boshlaydigan server o‘rtasidagi vositachi yoki bog‘lovchi.

Redux uchun bunday middleware larning ko‘plab turlari yaratilgan, ammo ular orasida eng keng tarqalgani va Redux ilovalarining asinxron mantiq bilan ishlashida hali ham rasmiy tavsiya etiladigan Redux Thunk hisoblanadi. Ushbu dasturiy ta'minot bizga store bilan o‘zaro aloqada bo‘lish uchun ichida setTimeout, Promises, async/await kabi asinxron mantiqni o‘z ichiga olishi mumkin bo‘lgan oddiy funksiyalarni (yoki thunk larni) ishlatishga yordam beradi. Terminning o‘ziga kelsak, thunk - bu qandaydir kechiktirilgan ishni bajaradigan koddir.

Endi biz Redux da asinxron mantiq bilan qanday ishlashimiz kerakligi bilan biroz tanishib chiqdik, shuning uchun ushbu bosqichni ilovamizda amalga oshirishni boshlashimiz mumkin. Biz ilovamizni ma'lum bir tashqi server bilan o‘zaro aloqada bo‘ladigan, undan ma'lumot oladigan va unga ma'lumot uzatadigan qilishimiz kerak. Boshqacha qilib aytganda, oldimizda hayajonli va juda muhim mavzu kutmoqda. Keling, boshlaymiz.