Pythonda Tuple
Ushbu bo‘limda siz Pythonga xos bo‘lgan tuple ma’lumotlar turi bilan tanishasiz. Mohiyatiga ko‘ra, tuple ro‘yxatlarga o‘xshaydi, chunki ular ham ma’lum qiymatlar to‘plamini saqlaydi. Ammo ulardan farqli o‘laroq, tuple o‘zgarmasdir - asl tuplening o‘zidagi elementlarni qo‘shib, o‘zgartirib yoki o‘chirib bo‘lmaydi. Tuple ma’lumotlari qavs ichiga olinadi:
tpl = ('a', 'b', 'c')
Tuplelar ma’lumotlarni tasodifiy o‘zgarishlardan himoya qilish zarurat tug‘ilgan hollarda keng qo‘llaniladi. Shuningdek, tuplelar xuddi shu uzunlikdagi ro‘yxatlarga qaraganda kamroq xotira egallaydi. Shuning uchun ular operativ xotirani tejash uchun ham qo‘llaniladi.
