PHP da Tsikllar Kodini Yozish Bo‘yicha Maslahatlar

Tilni o‘rganish davomida dasturlaringiz murakkabligi orthb bormoqda. Endi kodni o‘ylaganday ishlashini ta'minlash uchun uni qanday qilib to‘g‘ri yozish haqida gapirayotgan vaqtimiz keldi. Men sizga yaxshi uslub beraman.

Oldingizda yetarlicha murakkab vazifa turgan bo‘lsin, buning uchun ma'lum miqdordagi kod qatorlarini yozish kerak.

Noto‘g‘ri yondashuv - butun yechim kodini bir martada yozishga urinish, so‘ngra uni tekshirishni boshlashdir. Bunda hech narsa ishlamasligi ehtimoli yuqori, xatolikni ko‘p kod ichidan izlashga to‘g‘ri keladi.

To‘g‘ri yondashuv - vazifani kichik, elementar qadamlarga bo‘lish, ularni amalga oshirish va darhol to‘g‘riligini tekshirishdir. Bunday holda, hatto qayerdadir xato qilsangiz ham, darhol muammoni sezasiz va uni tuzatasiz.

Keling, amalda sinab ko‘raylik. Misol uchun sizga raqamlar massivi berilgan:

<?php
	$arr = [1, 2, 3, 4, 5, 6, 7, 8, 9];
?>

Faraz qilaylik, sizning oldingizda ushbu massivdan 3 ga bo‘linadigan elementlarni olish va ularning yig‘indisini topish vazifasi turibdi.

Birinchi kichik qadam sifatida, shunchaki massiv elementlarini tsikl bilan aylantirib, ekranga chiqarishni taklif qilaman. Buni qilaylik va hammasi ishlayotganiga ishonch hosil qilaylik:

<?php
	foreach ($arr as $elem) {
		echo $elem;
	}
?>

Keling, endi 3 ga bo‘linadigan elementlarni ajratib olaylik. Ularni chiqarib ko‘raylik va to‘g‘ri elementlarni olayotganimizga ishonch hosil qilaylik:

<?php
	foreach ($arr as $elem) {
		if ($elem % 3 === 0) {
			echo $elem; // 3, 6, 9 ni chiqaradi
		}
	}
?>

Endi keyingi qadam sifatida biz kerakli elementlarning yig‘indisini topishimiz mumkin:

<?php
	$sum = 0;
	
	foreach ($arr as $elem) {
		if ($elem % 3 === 0) {
			$sum += $elem;
		}
	}
	
	var_dump($sum);
?>

Massiv berilgan:

<?php
	$arr = [10, 20, 30, 40, 21, 32, 51];
?>

Ushbu massivdan birinchi raqami 1 yoki 2 bo‘lgan elementlarni oling va ularning yig‘indisini toping.