Random modulynyň shuffle metodi
random modulynyň shuffle metodi
üýtgeýän yzygiderlikdäki elementleriň tertibini
gatyşdyrýar. Körtež üýtgemeýän yzygiderlik
bolany üçin we toplumda elementler tertiplenmedik
bolany üçin, metod diňe sanaw bilen işleýär.
Metod ýerine ýetirilenden soň başdaky
sanaw üýtgeýär, we özi None gaýtaryp
berýär. Metodyň parametrine bize gerek bolan
sanawy berýäris.
Sintaksis
import random
random.shuffle(sanaw)
Mysal
Geliň, sanawdaky elementleri gatyşdyralyň:
lst = [1, 2, 3, 4, 5]
random.shuffle(lst)
print(lst)
Kodyň ýerine ýetiriliş netijesi:
[4, 3, 2, 1, 5]
Mysal
Indi bolsa, geliň körtejdeki elementleri gatyşdyrmaga synap göreliň:
tpl = ('1', '2', '3', '4', '5')
random.shuffle(tpl)
print(tpl)
Bizä şeýle ýalňyşlyk gaýtarylýar:
TypeError: 'tuple' object does not support item assignment
Mysal
Geliň, şeýle hem toplumdaky elementleri gatyşdyrmaga synap göreliň:
st = {'a', 'b', 'c', 'd'}
random.shuffle(st)
print(st)
Kod ýerine ýetirilenden soň, biz şeýle ýalňyşlyk alarys:
TypeError: 'set' object is not subscriptable
