Date obýekti

Date obýekti - seneler bilen işlemek üçin esasy obýekt.

Sintaksis

let date = new Date();

Indi date üýtgeýjisi - öz içinde häzirki wagt möhletini (sekunt, minut, sagat we şuňa meňzeş) saklaýan sene obýekti. Ýörite funksiýalaryň kömegi bilen biz wagt hasiýetlerine, mysal üçin, häzirki sagady, häzirki güni ýa-da häzirki aýy alyp bileris.

Mysal üçin, häzirki sagat şeýle alynar: date.getHours(), häzirki aý bolsa şeýle date.getMonth(). Hemme wariantlara serediň:

let date = new Date();

console.log(date.getSeconds());  // sekuntlar
console.log(date.getMinutes());  // minutlar
console.log(date.getHours());    // sagatlar
console.log(date.getDate());     // günler
console.log(date.getMonth());    // aýlar noldan başlap
console.log(date.getFullYear()); // ýyl
console.log(date.getDay());      // häzirki hepde güni

Kesgitlenen wagt möhletini belleýäris

Häzirki däl, kesgitlenen wagt möhletini bellemek hem mümkin. Bunuň üçin parametrleri new Date(ýyl, aý, gün, sagatlar, minutlar, sekuntlar, millisekuntlar) formatynda geçirmeli we bu ýagdaýda date üýtgeýjisine häzirki däl, parametrlerde görkezenimiz wagt möhleti ýazylar. Bu formatyň aýratynlyklary: aýlaryň hasaby noldan başlaýar, ýog bolan parametrler, sagatlardan başlap nola deň hasaplanylýar, ýyl, aý we günler üçin bolsa – bire deň.

Mysal

Geliň häzirki güni, aýy we ýyly 'ýyl-aý-gün' formatynda çykaralyň (bu ýerde aý 1 az bolar, sebäbi aýlaryň nomerlendirilişi noldan başlaýar):

let date = new Date();
let str  = date.getFullYear() + '-' + date.getMonth() + '-' + date.getDate();

console.log(str);

Şeýle-de serediň

Date obýektine degişli hemme esasy metodlar:
getFullYear, getMonth, getDate, getHours, getMinutes, getSeconds, getDay, getTime