Kod görkezişiniň görnüşleri

Görkeziş - brauzer tarapyndan işleniljek soňky HTML koduny döretmek prosesi.

Görkezişiň iki esasy görnüşi bar:

• serwer tarapy, gysgaltma SSR (server side rendering)
• müşderi tarapy, gysgaltma CSR (client side rendering)

Serwer tarapyndan görkeziş ýagdaýynda HTML kody serwerde döredilýär we soňra brauzere iberilýär. Müşderi tarapyndan görkeziş ýagdaýynda HTML kody dynamiki taýdan brauzerde JavaScript arkaly döredilýär.

Iki usulyň hem öz artykmaçlyklary we kemçilikleri bar.

SSR-iň aýratynlyklary:

• HTML kody her bir sorag üçin serwerde döredilýär. Bu serwer ýüklenişini artdyrýar.
• Ulanyjy taýyn sahypany derrew alyp, sahypany JavaScript ýüklenilip we ýerine ýetirilmezden öň elýeterli edýär.
• SEO-dostluk: gözleg ulgamlary sahypany dogry işlep biler.

CSR-iň aýratynlyklary:

• Öndürijilik: eger brauzer iş bilen meşgul bolsa, mysal üçin, maglumatlary işleýär, bu beýleki prosesleri, mysal üçin, DOM agajyny gurmak prosesini, ýawaşladýar. Bu wagt ulanyjlar boş ekrany görüp biler.
• Howpsuzlyk: müşderi tarapynda saklanýan maglumatlar, brauzeriň düzediji guralynda sahypany gözden geçirilende aňsatlyk bilen anyklap bolýar. Şonuň üçin möhüm maglumatlar bilen, mysal üçin, parollar bilen ýa-da hasaba alynan ulanyjylaryň şahsy maglumatlary bilen müşderi tarapynda işlemek bolmaýar.
• Serwer ýüklenişi azalýar: serwer her bir täze sorag üçin HTML kody döretmeli däldir.
• Internediň kanalyna ýüklenme azalýar: müşderi tarapyndan görkeziş ýagdaýynda serwerden brauzere az mukdarda teksti ýollamak zerur.