JavaScript-däki for aýlawy

for aýlawy belli bir kody bellenen mukdarda gaýtalamaga mümkinçilik berýär. Onuň sintaksisi şeýle:

for ( başlangyç buýruklar; gutaryş şerti; aýlawdan soňky buýruklar ) {
	aýlawyň gövüsi
}

Başlangyç buýruklar - aýlaw başlamazdan ozal ýerine ýetiriler. Olar diňe bir gezek ýerine ýetiriler. Adatça ol ýerde sanawlaýjy başlangyç bahalary goýulýar, mysal üçin: i = 0.

Aýlawyň gutaryş şerti - aýlawyň ‹içerisindäki› şert ýaly, ‹bu ýagdaý dogry bolýança› aýlaw aýlanar, mysal üçin: i <= 10.

Aýlawdan soňky buýruklar - her bir aýlaw aýlanyp gutandan soň ýerine ýetiriler. Adatça ol ýerde sanawlaýjylar köpeldilýär, mysal üçin: i++.

Indi bolsa for aýlawy arkaly 1-den 9-a çenli sanlary yzarlaýarys:

for (let i = 1; i <= 9; i++) {
	console.log(i); // 1, 2... 9 çykarar
}

Indi bolsa sanawlaýjyny 1-e däl, eýsem 2-e köpeldäliň:

for (let i = 1; i <= 9; i += 2) {
	console.log(i); // 1, 3, 5... çykarar
}

Tersine hasaplamak hem mümkin:

for (let i = 10; i > 0; i--) {
	console.log(i); // 10, 9, 8... çykarar
}

for aýlawy arkaly konsola 1-den 100-ä çenli sanlary çykaryň.

for aýlawy arkaly konsola 11-den 33-ä çenli sanlary çykaryň.

for aýlawy arkaly konsola 0-dan 100-ä çenli aralykda jübüt sanlary çykaryň.

for aýlawy arkaly konsola 1-den 99-a çenli aralykda tak sanlary çykaryň.

for aýlawy arkaly konsola 100-den 0-a çenli sanlary çykaryň.